Así é como transcorre un día na vida dun can, pero non dun can calquera. Trátase dun can moi especial que pertence a unha raza mítica, lendaria e con moito prestixio, a de Palleiro. Este can é Duncan de Palleiro, o Príncipe das Corredoiras.

Duncan leva unha vida sinxela á beira do seu amo Aurelio e dos seus amigos, veciñas e rabaños de sempre nunha aldeiña ao abeiro do monte Espigo chamada Oubidos, da cal se sente moi fachendoso.

Duncan ama profundamente a todos os nenos e nenas, e alí onde vai leva consigo unha grandísima sorpresa que non deixará ninguén indiferente. Amizade, Ledicia e Liberdade son as palabras que máis lle gustan a Duncan de Palleiro.

 DUNCAN DE PALLEIRO

RARA AVIS

Paloma é un deses seres que cando camiñan parecen non tocar o chan. Coma se levase unhas ás invisibles adheridas ás suas costas que, ademais de alixerar o seu peso, a dotasen dun halo digamos que “diferente”.

É a través da empatía, a coraxe, a perseveranza e sobre todo do seu particular sentido do humor como Paloma logra reconciliarse co seu pasado, desfrutar do presente e propoñerse un futuro esperanzador.

Ela, coma ninguñén, é capaz de amosar que nunca é tarde para un novo comezo.
“RARA AVIS” fai honra a todas as criaturas excepcionais que buscan o seu lugar no mundo.

ABRA DA CABRA

Qué foi antes a cabra ou o cencerro? Preguntouse a chiva un día, e de aquela sustancial cuestión naceu esta excéntrica historia que navega entre o simbolismo e o realismo máxico.

ABRA DA CABRA é unha delirante viaxe que narra as peripecias dunha Cabra Montesa que decide convivir coa especie humana.

Este ser independente, inconformista e impaciente non e quen de comprender o proceso civilizatorio da nova veciñanza de dúas patas.

A súa ousadía trocará nunha auténtica odisea para chegar a asimilar tan extravagantes conductas dende a súa condición animal.

Despois de todos os malogrados intentos de coexistencia pacífica, ¿regresará á plácida vida montesa ou mudará nunha feliz e alienada cabra urbana?..

CACHOPO MÁXICO LUZ DE NADAL

“Diógenes” abarca o concepto de alma partindo do hedonismo, nun intento de desvelar a arte de vivir en liberdade fronte o materialismo e as aparencias. A proeza de fraguar o propio destino dende o libre albedrío.

Esta é a fabulosa historia dun cínico do século XXI en contra dun poder arrogante que insiste en desacreditar deliberadamente os valores existenciais coma fundamento para a compresión do mundo.